Մինչև 2026 թվականի սեպտեմբերի 1-ը ծնված երեխաների դեպքում երեխայի ծննդյան միանվագ նպաստի չափը՝

·         առաջին և երկրորդ երեխայի դեպքում  կազմում է 300 հազար դրամ,

·         երրորդ և չորրորդ երեխայի համար՝ 1 մլն դրամ,

·         հինգերորդ և յուրաքանչյուր հաջորդ երեխայի ծնվելու դեպքում՝ 1․5 մլն դրամ։ 

Մինչև երկու տարեկան երեխային խնամելու կապակցությամբ ամսական տրվում է՝

·         խնամքի արձակուրդում չգտնվող ծնողի համար՝ 31,600 դրամ,

·         խնամքի արձակուրդում գտնվող ծնողի համար՝ 37,500 դրամ,

·         խնամքի արձակուրդում գտնվող գյուղաբնակ ծնողի համար՝ 69,100 դրամ։

Ընտանիքում ծնված կարգաթվով երրորդ և յուրաքանչյուր հաջորդ երեխաների դեպքում կտրամադրվի ամսական 50,000 դրամ նպաստ՝ մինչև երեխայի 6 տարեկանը լրանալը:

Երրորդ և յուրաքանչյուր հաջորդ երեխայի նպաստի իրավունք ունեն ընտանիքում երրորդ և յուրաքանչյուր հաջորդ նոր ծնված երեխայի ծնողներից մեկը կամ որդեգրողը, եթե նա Հայաստանի Հանրապետության քաղաքացի է, չի լրացել շահառու երեխայի վեց տարեկանը, և շահառու երեխան ու նրա կարգաթիվը որոշելու համար հաշվի առնված երեխաները՝

·         չունեն առանց ծնողական խնամքի մնացած երեխայի կարգավիճակ,

·         չեն գտնվում սոցիալական պաշտպանության հաստատությունում:

Մայրության նպաստ ստանալու իրավունք ունեն ինչպես գործատուների հետ աշխատանքային հարաբերությունների մեջ գտնվող անձինք, այնպես էլ չաշխատող քաղաքացիները: 

Չաշխատող անձանց դեպքում մայրության նպաստի չափը 172,698 դրամ է։