Կատարված աշխատանքների արդյունքներն ամփոփվել են հաշմանդամություն ունեցող անձանց հարցերով զբաղվող Տավուշի մարզային հանձնաժողովի ընդլայնված նիստի ընթացքում, որին մասնակցել են Տավուշի մարզպետի տեղակալ Նարեկ Ղուշչյանը, ԱՍՀ նախարարության և հաշմանդամություն ունեցող անձանց հարցերով զբաղվող ազգային հանձնաժողովի ներկայացուցիչներ, Միասնական սոցիալական ծառայության տարածքային կենտրոնների և մարզում գործող հասարակական կազմակերպությունների ներկայացուցիչներ, մարզի համայնքների սոցիալական աշխատողներ, հաշմանդամություն ունեցող անձինք։

 

Հաշմանդամություն ունեցող անձանց սոցիալական ներառման 2023-2027 թթ. համալիր ծրագրի մշտադիտարկման և գնահատման աշխատանքային խմբի ղեկավար Վանիկ Այվազյանը ներկայացրել է հաշմանդամություն ունեցող անձանց սոցիալական ներառման համալիր ծրագրի մշտադիտարկման և գնահատման ուղղությամբ իրականացվող աշխատանքները, առկա խնդիրներն ու դրանց կարգավորման եղանակները։

 

Անդրադարձ է կատարվել նաև հաշմանդամություն ունեցող անձանց օգնականի ծառայության տրամադրման, ինչպես նաև անձի ֆունկցիոնալության գնահատման իրականացման ընթացակարգերին։

 

Նիստի մասնակիցները հանդես են եկել նաև առաջարկներով՝ առկա խնդիրները գույքագրելու և արդյունքները մարզային հանձնաժողովին, ինչպես նաև մշտադիտարկման և գնահատման աշխատանքային խմբին ներկայացնելու վերաբերյալ։